Die Capies se Kalkbaai.
Wanneer laas was
jy op Kalkbaai se hawe?
Wat ‘n kleurryke
plek vol vriendelike karakters.
Vandag was die
robbe sommer lekker woelerig en het hulle die water anderkant die hawemuur behooorlik
omgeklits. Die omie wat lekker in die sonnetjie sit en bak, vertel my dis die
plek waar hulle paar. Wie’s ek om te stry.
Die een ou groot
rob wat in die son sy lê kry, word met ‘n besem weggeboender. Die arme gedierte
se een oog lyk of hy ‘n hap gekry het. En bietjie later sien ons ‘n pragtige
blinklyf rob en weet sommer daar was seker kompetisie in die omgewing…
En hoe lekker smaak die vis!!!
Die vissermanne gooi die blinklywe oor die rand van die boot - varser kry mens nie!
No comments:
Post a Comment