Sprankelende seënwens

Al is die Kersgeskenke se batterye pap gespeel teen hierdie tyd, die blinkertjies lankal deur die stofsuier se maag, die geskenkpapier en linte met die vulliswa straataf en die oorskiet van die Kerstafel uiteindelik nie meer ‘n faktor as jy die yskas oopmaak nie, bly my wens vir jou steeds een van verwondering vir die nuwe jaar.

Mag jy in die nuwe jaar meer klaarheid hê oor wat jy wil en waarheen jy moet.

Mag jy seker wees van wat jy nie wil nie en daarby hou.

En mag jy vrede in jou hart hê oor wie jy is.

Mag elke dag van die nuwe jaar vir jou soos ‘n geskenk wees wat jy met verwondering kan oopvou en geniet. Want dit is met liefde vir jou gegee.

 Yesterday's the past, tomorrow's the future, 

but today is a gift. That's why it's called the present.
-Bil Keane