Om te vergewe

Vroeёr die week kyk ek en manlief Eye in the Sky. ‘n Fliek met die altyd uitmuntende Helen Mirren in die hoofrol.

Sjoe, slaan daai fliek my op my maag!

Al wat ek kon dink toe ek dit klaar gekyk het, was: God se hart moet sekerlik breek oor wat ons hier op aarde aanvang….

En natuurlik moes ek ook op die web meer soek oor die broodverkopertjie. Niks oor haar gekry nie, want ek wonder in hoe ‘n mate sy beskerm word. En ek wonder sommer watter effek die rolprent op haar lewe sal hê.

Ek hoop ek het julle nou absoluut nuuskierig gemaak om dit ook te kyk (Box Office vir die wat het).

Maar wees gewaarsku: dis rof en beslis nie vir sensitiewe kykers nie. En ook nie vir mense wat skrikkerig is om te sien in watter verwoestende era ons leef nie.