Koekedoor

Kan mens nou so huil oor ‘n koek! So met die kyk van die finale episode van Koekedoor, trek ek los en huil dat die trane loop!!!!

Dis sommer van trots op die hele reeks. Die fotografie! Die lieflike omgewing wat geskep is! Die mooie land van ons! Ons spesiale mense wat vir niemand ‘n tree hoef agteruit te staan nie!

En natuurlik sit en dink ek aan die mense saam met wie ek dit graag sou wou kyk! Ek het mos immer daai saak hier in die agterkop: wil deel met iemand spesiaal!

Vanaand skink ek vir manlief ‘n glasie wyn en nooi hom om dit saam met my (weer) te kyk. Ek wonder of ek weer ‘n snesie gaan nodig kry. En hy dalk ook?

Trots Suid-Afrikaans!